९ भदौ, काठमाडौं । बैंकहरुमा पनि क्रेडिट कार्ड प्रयोग गर्नेहरुले समयमै त्यस बापतको ऋण नतिर्ने समस्या (डिफल्ट रेट) बढ्दै गएको छ । बैंकले आफूले विश्वास गरेका ग्राहकलाई क्रेडिटकार्डमार्फत सानो रकमको ‘क्रेडिट’ सीमा प्रयोग गर्न दिन्छ ।
तर, तोकिएको समयमा सो रकम फिर्ता नहुने क्रम विगतको भन्दा बढ्दै गएको छ । यसले गर्दा बैंकहरुले कर्जा असुलीको लागि प्रकाशित गर्ने ३५ दिने सूचनामा क्रेडिट कार्डको केही हजार र एकाध लाख रुपैयाँ भुक्तानी नगर्नेहरु बाक्लो देखिन थालेका छन् ।
