सत्तारुढ नेकपा माओवादी केन्द्रका अध्यक्ष पुष्पकमल दाहाल प्रचण्डले हालै भएको जापान भ्रमणमा ७५ वर्षअघि आणविक बम खसालिएको हिरोसिमा शहरको अवलोकन गरे । हिरोसिमा शहरस्थित संग्रहालय अवलोकनपछि उनले त्यसबेला बमका कारण ध्वस्त शहरका तस्वीरहरु हेरे ।
दोस्रो विश्वयुद्धको अन्तिम वर्ष सन् १९४५ को अगस्त ६ र ९ तारिखमा अमेरिकाले जापानका दुई शहर हिरोसिमा र नागासाकीमा परमाणु बम खसालेको थियो । हिरोसिमामा जापानको एउटा ठूलो सैनिक अड्डा पनि थियो, तर ज्यान गुमाउनेमा अधिकांश सर्वसाधारण थिए ।
